21 лютага - Міжнародны дзень роднай мовы.
З нагоды гэтага свята у нашу дашкольную установу завіталі госці, прадстаўнікі грамадскага аб'яднання "Таварыства беларускай мовы ім.Ф. Скарыны", якія павіншавалі са святам выхаванцаў беларускамоўнай групы "Званочак". У дзяцей сення была свая праграма: яны расказвалі вершы і лічылкі, адправіліся на імправізаваную экскурсію па беларускай хаце і знаёміліся з прадметамі старажытнага быту.
У падарунак дзеці атрымалі стужкі з беларускім арнаментам і кніжкі з казкамі на беларускай мове, паштоўкі і наклейкі.